Mfundi othandekayo,
Uphiko lwe-CLMS
Lwezokwesekwa Kwabafundi lukunika ithuba lokubamba iqhaza ezithangamini
zamaqembu ezihlose ukukulekelela ukuba uthuthukise amakhono akho nokubhekana
kangcono nalezi zikhathi eziyinselelo. Sicela uthintane noNks Noma Makathini ku- makhathinin@ukzn.ac.za ukuzibekisela indawo.
Ungathola
olunye ulwazi, okuqoshiwe, imibhalo, izethulo esizindalwazini sethu sakwa-CLMS
SSS; usebenzise inkinobho ethi -BOOK NOW ukuze ubekise isikhathi sokubonana nabeluleki bethu. Sicela ungene esizindalwazini sethu
ngokusebenzisa le- url: https://clmsstudentsupport.ukzn.ac.za
Sikanye nawe ohambweni lwakho oluya
empumelelweni
Isihloko: Ukucabanga Ngendlela Ekhulisanayo
Usuku: 13 noma 20 kuMbasa
(April) (NgoLwesibili); Isikhathi
ngehora le- 11h00; Abaphethe Uhlelo: Zamangwane Khanyile & Margot Sennett
Freedman.
Unenkolelo yokuthi wazalwa futhi
wakhuliswa namakhono athize
angashabalali -njenge-IQ- onawo kusukela ekuzalweni kwakho futhi azohlala nawe
impilo yakho yonke? Noma ukholelwa ukuthi imibono nemicabango yakho kuyaguquka,
ukuthi ungafunda amakhono amasha uma uwathuthukisa, nokuthi ubuhlakani
nokukhalipha kwakho kukhula ngokwezimo ohlangabezana nazo?
Uma uthi “yebo” embuzweni wokuqala,
unalokhu okubizwa “ngendlelakucabanga engaguquki”, le ndlela ingaba yinkinga
ngenxa yokwesaba kwakho ukwenza amaphutha okuholela ekugwemeni amathuba
angakusiza uthuthuke, ukhule ezindleleni ezibalulekile, wenze kahle
kwezokufunda futho uzakhele impilo oyifisayo.
Uma uphendule wathi “yebo” embuzweni
wesibili, kungenzeka ukuba unalokhu uSolwazi wase-Stanford u-Carol Dweck akubiza
“ngokucabanga ngendlela ekhulisanayo”. Uma umuntu “ecabanga ngendlela
ekhulisanayo”, uyazithokozela izinselelo, noma kunobungcuphe, ikakhulukazi
ngoba kuyigugu kuye ukufunda nokuthuthuka ngaphezu kokucatshangelwa ngabanye
ukuthi uyakwazi akwenzayo. Abafundi abaneziqu zasenyuvesi bavamise ukutholakala
benendlela yokucabanga ekhulisanayo.
Ngakho uma unendlela yokucabanga engaguquki
– ungakhathazeki- ungakwazi ukuthuthukisa indlela yokucabanga ekhulisanayo!
Ukuthuthukisa indlela yokucabanga ekhulisanayo kuzokufundisa ukusingatha
ukungaphumeleli nokuthola izindlela ezintsha zokuphumelela.
Bamba iqha kulo mhlangano
wokucobelelana ngolwazi ukuze ufinyelele ezingeni lakho kwezokufunda!
Uma unemibuzo ngalo
mhlangano, xhumana noZama ku- Khanyilez@ukzn.ac.za
Isihloko: Ama-Q&A Abafikayo: Ukwesekwa Ngonyaka
Wokuqala
Izinsuku : 15, 22
and 29 kuMbasa (April) (NgoLwezine) ; Isikhathi
10am – 11am; Ophethe uhlelo: Margot Sennett Freedman.
Leli qembu livuleleke kunoma yimuphi umfundi
wonyaka wokuqala onombuzo osheshayo, noma ofisa ukuthola okwengeziwe
nokucubungula izindaba eziphathelene nokufunda ngobuchwepheshe, ukuzijwayeza
impilo yasenyuvesi, izindawo zokuthola usizo, kanye nanoma yikuphi okunye
okumayelana nokujwayela noma nenyuvesi. Lo mhlangano oyihora uzoqala ngemibuzo
emfishane ulandele ngokucubungula ethe ukujula- lapho abafundi bonyaka wokuqala
bezolayelwa lapho bengathola khona usizo noma balekelelwe khona emhlanganweni.
Lo mhlangano ubizelwe obani: Noma
yibaphi abafundi bonyaka wokuqala ababhalise eKolishi Lezifundo ZezoMthetho
NezokuPhatha.
Uma unemibuza ngaleli qembu, xhumana
no-Margot ku- sennett@ukzn.ac.za
Isihloko: Ubuciko Bokuphathwa Kwesikhathi
Izinsuku: kuMbasa (April) 14, 21, & 28 (NgoLwezithathu) Isikhathi: 13: 30; Abaphethe uhlelo:
Cebisile Kubeka no-Claire Mondlana
I-Imeyili: KubekaC@ukzn.ac.za, MondlanaC@ukzn.ac.za
Abafundi abaningi
babhekene nenselelo yokuphatha isikhathi sabo emakhaya, ukuthola uzinzo phakathi
kwemisebenzi yasekhaya neyesikole kanti abanye banenselelo yokuthola indawo
engenawo umsindo nesithele yokusebenza ngoba amalungu omndeni nabantwana bakubo
besekhaya ngesikhathi semvalelwandlini. Ukugcina uhlelo noma ukuba nokuzithiba
empilweni (ikakhulukazi kwezokufunda) sekuphenduke into enzima kakhulu
kubafundi bethu abaningi.
Lo mhlangano uzokulekelela
ngokuzibekela izimpokophelo, ukuzakhela uhlelo noma indlela yokugcina
isikhathi, ukunika isikhathi okubalulekile kuqala nokulawula indlela osebenzisa
ngayo isikhathi. Ekugcineni le mihlangano izokucabela indlela futhi ikwenze ube
nokuqonda ukuthi yiziphi izinto obhekene nazo ezikuvimba ukuba ufinyelele
kokuphokophelele ngesikhathi.
Ubhekiswe kobani?
Bonke abafundi abafisa
ukuphucula amakhono abo okuphatha isikhathi.
Isihloko: Iqembu labafundi abalekelela abanye abafundi
Usuku: kuMbasa (April)
9, 16, 23, & 30 (NgoLwezihlanu); Isikhathi: 09: 00; Ophethe uhlelo: Cebisile
Kubeka
I-imeyili: KubekaC@ukzn.ac.za
Abafundi
bonyaka wokuqala badinga lonke usizo abangaluthola ukuze bajwayele ukuba
senyuvesi besuka esikoleni samabanga aphezulu. Inyuvesi ihlinzeka ngokuningi
kusukela kwezokufunda, ezempilo nezenhlalo okungalekelela abafundi babhekane
nezinguquko. Enye yezindlela ezinhle zokwenza lokhu ukubamba iqhaza, uzimisele
ukufunda okusha, nokuba yingxenye yomphakathi wasenyuvesi. Lo mhlangano
uzokulekelela ufunde izindlela zokujwayela indawo entsha, wakhe ubungani
obusha, ufunde amakhono amasha nokuthola ukwesekwa. Futhi uzothola nethuba
lokuhlangana nabafundi abenza unyaka wesibili nowesithathu nabenza izifundo
zabaneziqu abazocobelelana ngolwazi nobuhlakani babo nawe.
Ubhekiswe kobani?
Bonke abafundi abenza unyaka
wokuqala, owesibili, owesithathu nabaneziqu abanesifiso sokulekelela abenza
unyaka wokuqala ukuze bajwayele enyuvesi. Abafundi asebesenyuvesi isikhathi
esingaphezulu konyaka bamukelekile ukuba baseke, bacobelelane ngamakhono, futhi
bakhuthaze abenza unyaka wokuqala.
Isihloko: Ukuzijwayeza ukufunda ngobuchwepheshe nokufundela
ekhaya
Usuku: 09, 16, 23
& 30 kuMbasa (April) (NgoLwezihlanu)
Isikhathi: 11: 00; Ophethe uhlelo: Claire N Mondlana
I-imeyili: mondlanac@ukzn.ac.za
Ukuguquka
usuka esikoleni samabanga aphezulu uya enyuvesi kungaba yisikhathi esinzima
kubafundi bonyaka wokuqala futhi uma sekuhlangene nokufunda ngobuchwepheshe
besekhaya kungaba yinselelo enkulu uma bengakaze babhekane nokusebenza
ngobuchwepheshe. Leli qembu lihlose ukuhlinzeka ngokwesekwa nezindlela
zokuzijwayeza ukufunda ngobuchwepheshe nokufundela ekhaya. Iqembu aligcini nje
ngokuba nengosi ephephile yokubhekana nokwesaba kanye nexhala ngalesi sihloko
kodwa bazosebenzisana ngokwamakhono abo nezinselelo ababhekana nazo ukuze bakwazi
ukujwayela ukufunda ngobuchwepheshe nokufundela ekhaya. Leli qembu livuleleke
kunoma ubani onalenselelo kodwa ikakhulukazi abenza unyaka wokuqala.
Sibhekiswe kobani?
Bonke
abafundi bonyaka wokuqala nanoma ubani onenselelo yokujwayela ukufunda ngobuchwepheshe
nokufundela ekhaya.
Isihloko: Izindlela Zokufunda
Usuku: 22 kuMbasa (April) (NgoLwesine); Isakhathi: 12:00pm;
Abaphethe Uhlelo: Ishara Maharaj & Michelle Scharnick
Ungumfundi okhethekile. Akekho omunye
ofunda ngendlela efana ngqo neyakho. Le ngosi yezindlela zokufunda
izokulekelela ukuba ukwazi ukubona ukuthi ulwazi uluhlaziya kanjani futhi
ufunda kanjani. Ngokuthuthukisa ukuqonda ngendlela ofunda ngayo, uzokwazi
ukulawula kangcono indlela yakho yokufunda. Lokhu kuzokusiza ukwazi ukuqapha
nokukhetha izindlela zokufunda ezikusebenzela kangcono ezikhathini ezihlukene
zokufunda. Kunenzuzo enkulu ekutholeni
indlela ofunda ngayo. Kukunika ukuqonda ngamandla nemikhuba onayo. Kuyakusiza
futhi ukuba ubone izindawo ezidinga ukuthuthukiswa.
Enye inzuzo eyengeziwe ukuthi ukwazi
ukuqonda kungani ubhekana nesimo se-Covid 19 ngendlela owenza ngayo. Ungafisa
nokuhlola izindlela ezinye zokubhekana nalokhu emihlanganweni yokululekwa noma
yamaqembu.
Ukuhlolwa kwezindlela zokufunda
akusona isivivinyo, kuyindlela yokuqonda ngendlela ofunda ngayo. Okutholayo
kulokhu kuhlolwa akufanele kuthathwe njengokuyisiphetho kodwa njengesiqalo
sokuthola indlela ofunda ngayo kangcono. Kunosizo ukuthatha isikhathi sokuqonda
ngndlela ofunda ngayo.
Le ngosi ibhekiswe kubani: Bonke abafundi
abafisa ukuphucula izinga lamakhono abo okufunda
Uma unemibuzo ngaleli qembu, sicela
uxhumane noNks Ishara Maharaj ku Maharaji@ukzn.ac.za
Isihloko: Iqembu Lokwesekwa Kwezobudlelwano Obuhle
Usuku: 15, 29 kuMbasa
(April) (NgoLwezine) ; Isikhathi:
12:00pm; Abaphethe Uhlelo: Ishara Maharaj & Michelle Scharnick
Sonke siyakuthanda ukuthanda
nokuthandwa. Ubudlelwano nokuxhumana nabanye kuvamise ukusinika imizwa
yokwamukeleka nokuba yingxenye ngoba ubudlelwano buyinto ebalulekile
ezimpilweni zethu, izinselelo ebudlelwaneni zingaba nomthelela emizweni yethu
nakwezinye izingxenye zezimpilo zethu isbl. ezifundweni.
Leli qembu lizokuhlinzeka ngendawo
lapho uzokwazi ukukhuluma ngobhekene nakho nezinselelo zakho, futhi uthole
namakhono okuthuthukisa ubudlelwano obuhle uwedwa kanye nabanye.
Le
ngosi ibhekiswe kubani: Bonke abafundi abafisa ukuzakhela ubudlelwano obuhle
nokuthola izindlela zokubhekana nezinselelo abanazo ebudlelwaneni abanabo
(nomndeni, nabangani noma nabathandana nabo)
Uma unemibuzo noma ufisa ukuthola ulwazi olwengeziwe ngaleli
qembu, xhumana noNks. Scharnick ku Scharnickm@ukzn.ac.za
Isihloko: Umhlangano Wokucobelelana Ngolwazi Lokuphathwa
Kwengcindezi- Ngiyiphatha kanjani ingcindezi yami?
Usuku: 14, 21, 28 kuMbasa (April) (NgoLwezithathu); Isikhathi: 12:00pm; Ophethe Uhlelo: Michelle
Scharnick
Uzizwa unengcindezi ngenxa yazo zonke
izinguquko obhekene nazo? Le ngosi ikuhlinzeka ngezindlela ezilula zokubhekana
nengcindezi obhekene nayo. Izokulekelela ukuba uqonde ngokuthi yini ingcindezi,
ingaba namuphi umthelela kuwe (emzimbeni nasengqondweni), nokuthi indlela
esicabanga ngayo ngezimo ingayibangela kanjani ingcindezi futhi ikulekelele
ngezindlela zokubhekana nengcindezi. Le mihlangano izokuhlinzeka ngengosi
yokuxhumana nozakwenu.
Ibhekiswe kobani: Bonke abafundi
abafisa ukuthuthukisa izindlela ezintsha zokubhekana nengcindezi
Uma
unemibuzo noma udinga eminye imininingwane ngaleli qembu, xhumana noNks.
Scharnick ku Scharnickm@ukzn.ac.za
Isihloko:
Ukubhalwa kwencwadi yesicelo/ne-CV
Usuku:
14 kuMbasa (April) 2021 Isikhathi: 10am Ophethe Uhlelo: Yanga Lufundo
Le
ngosi ihlose ukulekelela abafundi bakwazi ukubhal incwadi yesicelo ne-CV
okuhehayo kumqashi.
Ibhekiswe
kobani: Bonke abafundi abafuna imisebenzi
Isihloko:
Amakhono Enhlolokhono
Usuku:
21 kuMbasa (April) 2021 Isikhathi: 10am Ophethe
Uhlelo: Yanga Lufundo
Ukuthuthukisa
ukuqonda ngohlelo lwenhlolokhono nokucobelela ngamathiphu mayelana nokuphendula
imibuzo yenhlolokhono
Ibhekiswe
kobani: abafundi abafuna imisebenzi
Uma
unemibuzo ngaleli qembu, ungaxhumana noNks Yanga Lufundo ku Lufundoy@ukzn.ac.za
EZOKWESEKWA KWABAFUNDI
Izifundo Zomthetho & Ezokuphatha
Ukubekisa indawo xhumana no : Nks. Nomathemba
Makhathini
I-Imeyili: makhathinin@ukzn.ac.za
Sikanye nawe ohambweni lwakho oluya empumelelweni